വിരല്‍ത്തുമ്പിലെ ലോകം
വെറുതേയറിയാന്‍ യാത്ര തുടങ്ങീ,
വഴിയറിയാതെ..വഴിയിലവന്‍ കണ്ടു,
പലതരം വലകള്‍
വെറുതേ കിട്ടുന്ന സ്വര്‍ണ്ണ വലകള്‍...
അവനും കടലിലറങ്ങീ -
രാത്രികള്‍ക്ക് ആയുസ്സ് കുറഞ്ഞു......
അവന്റെ പാഠങ്ങള്‍-
പച്ചവെള്ളത്തിനും മെരുക്കാന്‍
കഴിയാത്ത ദാഹമുന്ടെന്നതും;
പാപമെന്നത് വെറും പിണ്ണാക്കാണെന്നുമൊക്കെ
അവന്‍ ചൊല്ലി പഠി ച്ചു.....
ഒരു കടലില്‍ നിന്ന് മറുകരയിലേക്ക്
ഇരകളെ തേടി അവനലഞ്ഞു .
.
സ്രാവുകള്‍ അവന്റെ വല മുറിച്ചു
പരല്‍മീനുകള്‍ അവനെ പരിഹസിച്ചു..
വലിയ മീനുകള്‍ അവനെ വിഴുങ്ങി..
അവയവങ്ങളെ വീതിച്ചെടുത്തു...
എല്ലാം കൂടീ കീറിയ വലകള്‍ നെയ്തെടുത്തു..
ഇനിയും വലിയ ഇരകള്ക്കായീ...
No comments:
Post a Comment